Akademik Musiqili Teatr beynəlxalq festivalda iştirak edəcək

Tarix:1-07-2019, 10:04 Baxış Sayı:48

Akademik Musiqili Teatr beynəlxalq festivalda iştirak edəcək
Azərbaycan Dövlət Akademik Musiqili Teatrı daha bir Beynəlxalq tədbirə –Türkiyə Cümhuriyyətində təşkil olunacaq 25-ci Bayburt Dədə Qorqud Uluslararası Mədəniyyət və Sənət Festivalına dəvət alıb.

Manera.az xəbər verir ki, hər il bir çox dünya ölkələrinin, xüsusilə də türkdilli dövlətlərin tanınmış və məşhur incəsənət xadimlərinin qatıldığı bu şənlik 2019-cu il 22-28 iyul tarixlərində Türkiyənin qədim Bayburt şəhərində baş tutacaq. İnanclara görə burada hətta ulu Dədə Qorqudun məzarı da var.
Akademik Musiqili Teatr beynəlxalq festivalda iştirak edəcək
“1995-ci ildən əsası qoyulan bu mötəbər tədbir o vaxtdan bəri hər il böyük bayram şənliyi kimi qeyd olunur. Teatrımızın balet truppasının artıq 2-ci dəfə bu festivala dəvət olunması bizdə böyük sevinc hissi doğurur. Bundan əvvəl onlar 2008-ci ildə ölkəmizi uğurla təmsil ediblər… Dədə Qorqudun bütün dünyada daha geniş miqyasda tanıdılması, türk mədəniyyətinin təbliği, xalqlar arasında sülhün və qardaşlığın möhkəmlənməsi və inkişafı məqsədilə təşkil olunan bu festival çox rəgarəng və zəngin proqrama malikdir. Festival çərçivəsində müxtəlif tədbirlər – sərgilər, məşhur dramaturqlarla, şairlərlə görüşlər, konfranslar, şeir gecələri keçiriləcək.

Tədbir iştirakçıları Dədə Qorqudun Masat kəndindəki məzarını da ziyarət edəcəklər. Bu festival tariximizi, mədəniyyətimizi öyrənmək baxımından gənclər üçün çox maraqlı və əhəmiyyətlidir.
Akademik Musiqili Teatr beynəlxalq festivalda iştirak edəcək
İnanıram ki, 25-ci Bayburt Dədə Qorqud Beynəlxalq Mədəniyyət və Sənət Festivalında ölkəmizi layiqincə təmsil edəcəyik”, – deyə Azərbaycan Dövlət Akademik Musiqili Teatrının direktoru, Əməkdar incəsənət xadimi, sənətşünaslıq üzrə fəlsəfə doktoru, Əliqismət Lalayev bildirib.

MANERA.AZБесплатные шаблоны для 10.5Forex Портал для чайников


XƏBƏR LENTİ