“Oskar” mükafatlı rejissor vəfat edib
Amerikalı sənədli film rejissoru Mürrey Lerner 91 yaşında Nyu-Yorkda vəfat edib.
Rejissor böyrək çatışmazlığı xəstəliyindən əziyyət çəkirmiş.
Lerner 1981-ci ildə “Ən yaxşı sənədli film" nominasiyasında “Maodan Motsartadək: İsaak Stern Çində” filminə görə “Oskar” mükafatı alıb. Film məşhur skripkaçı İsaak Sternin Çinə səfərindən bəhs edir.
Rejissor, həmçinin Bob Dilanın ilk konsertindən kadrlar olan “Festival” filminin müəllifidir. Filmdə Bob Dilandan başqa, digər tanınmış musiqiçilərin konsert çəkilişləri var.