Avrasiya paytaxtlarının yazarları Nur-Sultana yığışır
4-5 iyul tarixlərində qardaş Qazaxıstanın paytaxtı Nur-Sultan şəhərində “Avrasiya paytaxtları Yazıçıları, Şair və Publisistlərinin I Xalqlararası Forumu” keçiriləcək.
Manera.az xəbər verir ki, forum iştirakçıları bu il “Dünya ədəbiyyatı: streotiplərdən arınmaq” ümumi mövzusu ətrafında fikir mübadiləsi aparacaq.
İyirmidən artıq ölkədən nümayəndənin qatılacağı forumda Azərbaycanı Atatürk Mərkəzinin şöbə müdiri, şair-publisist Əkbər Qoşalı təmsil edəcək.
İlk dəfə düzənlənən forum Qazaxıstan Yazıçılar Birliyi ilə Nur-Sultan şəhər hakimliyinin təşkilatçılığı, digər uyğunprofilli qurum və quruluşların dəstəyi ilə Qazaxıstan paytaxtındakı Milli Muzeydə keçiriləcək.
Dünya şöhrətli qazax şairi Oljas Süleymenov da forumun fəxri qonaqları sırasındadır.
MANERA.AZ