İtaliyalı şairin "Xocalı" şeiri
Manera.az italiyalı bəstəkar və şair David Qualiterinin Xocalı soyqırımına həsr etdiyi şeiri təqdim edir:
XOCALI
Şərqdən gələn qonağın
yükü hekayət olar –
amma mən eşitdiklərim…
inanmıram dünyada
belə cinayət ola…
Uzaq, günəşli ölkədə
25 fevral gecəsi
qarlı kölgədə
qırdılar 613 günahsız adamı –
aman vermədilər biri də qaça
Xocalı şəhid oldu,
Xo-ca…
Elə bil muncuq
üzüldü sapınnan
topasına biçdilər xocalıları –
topunan…
Xocalı!
qətlinə fərman verənlər –
cani
bu zülmü görənlər –
cani!
görüb-götürənlər –
cani!
Amma göylər
götürməyəcək bu qədər qanı
and içirəm:
Tanrı canı…
Çevirəni: Qulu AĞSƏS
Sətri tərcümə: Mais NURİYEV
İtaliyadakı «Azəri» Azərbaycan Mədəniyyət Assosiasiyasının prezidenti.
MANERA.AZ