“Qızıl geyimli adam” Ankarada nümayiş etdiriləcək
Qazaxıstan arxeoloqlarının 1969-cu ildə Almatı şəhərinin 50 kilometrliyində - İssık kurqanında aşkar etdikləri qədim sak tayfasından qalma “Qızıl geyimli adam” adlandırılan zirehli geyim Ankaranın Anadolu Sivilizasiyaları Muzeyində nümayiş etdiriləcək.
MANERA.AZ Anadolu agentliyinə istinadla xəbər verir ki, kurqanda çoxlu qızıl əşyalarla birlikdə tapılmış və sak tayfasının 18 yaşlı rəhbərinə aid olduğu güman edilən zirehli döyüşçü geyimi Qazaxıstanın milli rəmzinə çevrilib. Bundan əvvəl Azərbaycan, Belarus, Rusiya, Çin, Polşa və Cənubi Koreyada nümayiş etdirilən bu qiymətli artefakt Türkiyə paytaxtının sakinlərinin diqqətinə təqdim ediləcək.
“Qızıl geyimli adam” sentyabrın 12-dən etibarən Ankaradakı muzeydə qoyulacaq.