Aşıq Əlikram Əliyev - 60
Azərbaycan xalqının ənənəvi musiqisi əsrlərdir yaranıb və onu dinləyənlərin qəlbinə hakim kəsilib. Aşıq sənəti xalqımızın ənənəvi musiqisi olmaqla yanaşı, həm də bəşəri mahiyyət daşıyır. Sözsüz ki, aşıq musiqisində də Azərbaycan ruhu hər zaman qabarıq şəkildə özünü göstərib. Təbii ki, Azərbaycan mədəniyyətinin formalaşmasında milli musiqinin, saz alətinin rolu az deyil.
Bu gün saz-söz ustadı, sazının sehriylə xaliqələr yaradan, dəyərli el ağsaqqalı, Qubanın Hacıhüseynli kəndində yaşayan Aşıq Əlikram Əliyevin 60 illik yubleyi keçirilir...
Bəzən dönüb keçdiyimiz ömür yoluna baxdıqda özümüzə bələ bir sual veririk. Görəsən, yaşadığımız ömürdə bir gün, bir saat, bir dəqiqə də bələ olsa özümüz ola bildikmi? Bəli, sözün əsil mənasında yaşadığı ömründə özü ola bilən dəyərli ağsaqqalımızı öz günü münasibəti ilə ətrafına toplaşan bir çox sənət adamları, yazarlar, şairlər təbrik etdilər.
Biz də Manera.az olaraq Azərbaycan aşıq musiqisinin təməl prinsiplərinə sadiq olan, onu təbliğ edən sənətkarlara can sağlığı arzu edirik!
(Tədbirdən bəhs edən geniş yazını təqdim edəcəyik.)
Asəf Əliyev