Ədəbiyyatdan və dənizdən iki 5 alan şair

Tarix:18-03-2019, 15:54 Baxış Sayı:171

Ədəbiyyatdan və dənizdən iki 5 alan şair
Martın 16-da Rəşid Behbudov adına Dövlət Mahnı Teatrında tanınmış şair-publisist Faiq Balabəylinin 55 illik Yubiley tədbiri, yaradıcılıq gecəsi və yeni nəşr olunmuş “Yağışdan sonra” adlı şeirlər kitabının təqdimat mərasimi keçirildi.

Tədbiri giriş sözü ilə şair Qəşəm Nəcəfzadə açaraq onun həyat və yaradıcılığından qısaca söz açdı və yubilyarı səhnəyə dəvət etdi.

Faiq Balabəyli hər kəsi salamlayaraq tamaşaçılara xoş gəlmisiniz, dedikdən sonra aparıcı AYB- nin təbrik məktubunu oxumaq üçün sözü AYB -nin katibi, yazıçı İlqar Fəhmiyə verdi.

İlqar Fəhmi Yazıçılar Birliyinin təbrik məktubunu oxuduqdan sonra, Faiqlə uzun müddət olan tanışlıqdan bəhs edərək onun yaradıcılığının məziyyətlərindən söz açdı.

Şairin dostu, ədəbiyyatımızın ağsaqqalarından biri, bütün türk dünyasında tanınan və sevilən, xalq şairi Sabir Rüstəmxanlı da öz çıxışında F.Balabəylinin ədəbiyyata gəldiyi ilk günlərdən özünün yaradıcılığı ilə diqqət mərkəzində olduğunu bildirdi. Onun yaradıcılığındakı vətənpərvərlik xəttinin əsas xətt olmasından söz açdı. İctimai -siyasi fəaliyyətindən bəhs etdi.

Millət vəkili, tarix elmləri doktoru, professor Fəzail İbrahimlinin çıxışında da Faiqin yaradıcılığı və xarakterinin bir birini tamamlamasından söz açıldı.
Ədəbiyyatdan və dənizdən iki 5 alan şair
Tanınmış rəssam- şair Sehran Allahverdi yubilyarın sənətkarlıqla işlədiyi rəsmini ona hədiyyə etdi və çox səmimi çıxışı ilə fərqləndi.

Azərbaycan-Cənubi KOREYA dostluq cəmiyyətinin sədri, tanınmış politoloq Adıgözəl Məmmədov da öz çıxışında yubilyarın xarakterinin möhkəmliyindən və daima həqiqətin yanında olmasından bəhs etdi. Rəhbəri olduğu təşkilatın hədiyyəsini və fəxri fərmanını ona təqdim etdi.

Faiq Balabəylinin yeni “Yağışdan sonra”adlı şeirlər kitabının redaktoru, Moskvada yaşayan tanınmış şair Afaq Şıxlı yubilyarı təbrik edərək onun yaradıcılığından xüsusi bir istəklə söz açdı, onu qardaş qədər sevdiyini dilə gətirdi.
Ədəbiyyatdan və dənizdən iki 5 alan şair
Dünya Gənc Türk Yazarlar Birliyinin Məsləhət Şurasının sədri, tanınmış şair Əkbər Qoşalı və birliyin sədri şair İntiqam Yaşar da yubilyarı təbrik edib, ona fəxri diplom və Rusiya Federasiyası Yazıçılar İttifaqının Arxangelsk regional şöbəsinin və Arxangekskdə fəaliyyət göstərən Azərbaycan Diasporasının başqanı Tərlan Qasımovun təbrik məktublarını oxudular.

Tarix üzrə Fəlsəfə doktoru, şair Həyat Şəmi də öz çıxışında Faiqin bütöv xarakterə sahib adam olduğundan bəhs etdi. Onun insanlarla münasibətindən və xüsusi olaraq cəsarətli bir insan olmasından söz açdı.

Tanınmış şair Kəmalə Abıyevanın maraqlı çıxışı da şair haqqında deyilən xoş sözlər,təbrik və arzularla dolu idi.
Ədəbiyyatdan və dənizdən iki 5 alan şair
Filologiya Elmlər Doktoru professor, tənqidçi Rüstəm Kamal, yazıçı Aləm Kəngərli, şair Kəmaləddin Qədim, Fərqanə Mehdi, Arzu Nehrəmli, Narıngül Nadir, Nuranə Nur, Seyran Səxavət, Vasif Süleyman, İbrahim Rüstəmli öz çıxışlarında yubiliyar haqqında xoş sözlərini və arzularını çatdırdıraq təbrik etdilər.

Qafqaz Media Birliyinin rəhbəri Azadə Taleh də çıxış edərək şairi xususi diplomla mükafatlandırdı.

Respublikanın xalq artisti Eldost Bayram, gənc yazar,qiraətçi Müşfüqə Baladdinqızı Faiq Balabəylinin şeirlərini səsləndirdilər.

Musiqili qonaqlar,həmçinin Respublikanın Əməkdar artisti, tanınmış və sevilən müğənniləri Yusif Mustafayev ,müğənni Fəridə Mirişova, Kənan Adil, Art qrupu, Ziba Hüseynova şairin sözlərinə bəstələnmiş mahnıları ifa edərək tədbirə xüsusi bir ahəng qatıblar.
Ədəbiyyatdan və dənizdən iki 5 alan şair
Yubilyarın 1 yaşlı nəvəsi,balaca Dənizin musiqi sədaları altında etdiyi rəqs isə hər kəs tərəfindən böyük sevgi və alqışlarla qarşılandı.

3 saatdan artıq davam edən tədbirdə edilən maraqlı,səmimi çıxışlar,danışılan xatirələr və musiqi töhfələrində gələn qonaqlar və tamaşaçılar böyük zövq aldılar.

Ömrünün 55 ilini yaradılığa və dənizçiliyə həsr edən şairə saysız-hesabsız yubiley sevinci, həyatının müdrik yaşlarını isə şəxsi həyatında və yaradıcılığında çoxlu uğurlarla yaşamasını arzulayırıq.

/mustaqil.az/

MANERA.AZБесплатные шаблоны для 10.5Forex Портал для чайников


XƏBƏR LENTİ