Yaşamaq nədir? -Ölüm gələndə vicdanından utanmamaq şansı.|Tək cümləlik fəlsəfə- LAYİHƏ
“Bir daşla doqquz quş” layihəsində bu dəfə suallara yazar Mirmehdi Ağaoğlu cavab verir.
-Niyə varsan?
- Bu balaca dünyamdan baxanda bu suala cavab tapmağa çətinlik çəkirəm.
-Niyə yox olacaqsan?
- “İstifadə müddəti”m bitdiyi üçün.
-Niyə yazırsan?
- Yazmağa hekayətim olduğu üçün.
- Yaşamaq nədir?
- Ölüm gələndə vicdanından utanmamaq şansı.
- Ölüm nədir?
- Ayrılıq.
- Ədalət nədir?
- Vicdan rahatlığı.
- Azadlıq nədir?
- Bir dəfə gəldiyimiz bu dünyada heç bir ideologiyanın, sistemin, mexanizmin basqıları altında olmamaq.
- Yaradıcılıq nədir?
- Balaca Allahlıq.
- İnsan kimdir?
- Yaradılmış.
Tural İsmayılov,
MANERA.AZ