Könül Arif - Yoxluğun çərçivəsiz şəkilləri

Tarix:10-04-2019, 11:35 Baxış Sayı:298

Könül Arif - Yoxluğun çərçivəsiz şəkilləri
“Animasyon İmkânlar Dahilinde Olmayanı Gösterir”


Şəkil 1

Qəfil atəş kimi

Onlarla göyərçin qanadları açıldı havaya

Sübh çağı

Oyandım
Öncə göyərçinlərin
Güllə kimi başıma sıxdığı
Sübhün açıldığını anladım

Sonra –
Yoxluğun düşdü yadıma...

"Durub ölüm" dedim
Ağlayıb qaldım

Şəkil 2

Qabları
Soyuq suyla yuyanda
Əllərimə köçür yoxluğun

Şəkil 3

Sükut...
Sükut xofu!!
SÜKUT XOFU!..


Şəkil 4

Evdə insan səsləri,
Çöldə insan səsi,
İnsan gülüşü,
İnsan surətləri!!!

...və heç biri
İlahi
Heç biri
O deyil...

Şəkil 5

Saçlarımı kəsdirdim
Telefonu söndürdüm
Təzə paltar geyindim
Daha nə qaldı?


İndi
Ölə bilərəm.

2018

Бесплатные шаблоны для 10.5Forex Портал для чайников


XƏBƏR LENTİ