Şəhid atasının dedikləri

Tarix:19-01-2019, 17:30 Baxış Sayı:145

Şəhid atasının dedikləri
Rəvan Cavidin şeirləri

Şəhid atasının dedikləri

Dünən zəng gəldi bizə
- oğlumuzdan deyildi,
Amma bir əsgər səsi oğlumuzdan deyirdi:
“Bu gün gecə yarısı səngərdə şəhid oldu!”
Susdum...
içim qürurla,
gözlərim yaşla doldu.

Səhər onu mən deyil, bayraq qucaqlamışdı,
yatmağa gedirdi o,
yerinə yox, torpağa.
Başına sığal çəkmək istəmişdim son dəfə,
o başını uzatdı dalğalanan bayrağa.
Vətən, nə gözəl cənnət,
Oğlum, nə gözəl bəndə...
Atası qurban olduğum vətənə qurban olsun!
Mənim başım enməsin,
vətənimin bayrağı,
oğlumun qəbri nurlu, cənnəti-məkan olsun.

Mən getmədən yanına
Vətən gəldi evimə -
dedi: “Üzün ağ olsun!”
Dedilər: “Oğlun Şəhid”,
Dedim: “Vətən sağ olsun!”

Qərənfil hüznü

Bakı...qərənfil yurdum,
Qərənfillərdən sənə qürur tacını qurdum.
Şəhid oldu gül-çiçək,
O gecədən sağ çıxıb qərənfillər səhərə,
Birinci onlar bildi şəhidlərin adını,
Car çəkdilər şəhərə.
Məzarlara yatdılar
Şəhidlərin torpağı çiçək qoxusun deyə.
Hər kəs bildi acını,
Qərənfillər bilmədi qurban getdilər nəyə.
Ağlama atam, anam,
Bu gün vətən bayrağı qürur göz yaşlarıyla
əl eyləyir sabaha.
Cənnətin Bakı yolu Şəhidlər Xiyabanı,
Bu gün Bakı sakitdi,
bu gün Bakı bir az da
qərənfillər meydanı.

MANERA.AZБесплатные шаблоны для 10.5Forex Портал для чайников


XƏBƏR LENTİ