Cabbarlışünas alim yeni kitabını təqdim edib

Tarix:23-06-2018, 12:19 Baxış Sayı:148

Cabbarlışünas alim yeni kitabını təqdim edib
İyunun 22-si AMEA-nın Nizami adına Ədəbiyyat İnstitutunun konfrans zalında “Cəfər Cabbarlı adına mədəniyyət, elm və təhsilin inkişafına yardım” İctimai Birliyinin təşkilatçılığı ilə “Cəfər Cabbarlı və milli istiqlal hərəkatı” adlı kitabının təqdimat mərasimi keçirilib.

MANERA.AZ xəbər verir ki, tədbiri AMEA-nın Ədəbiyyat İnstitutunun direktoru, akademik İsa Həbibbəyli açıb və kitab haqqında geniş məlumat verib.

Daha sonra Layihənin rəhbəri C.Cabbarlı Ev Muzeyinin direktoru, təşkilat sədri Qəmər Bağırova bildirib ki, kitab Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Təhsil müəssisələrində Ermənistan-Azərbaycan Dağlıq Qarabağ münaqişəsi mövzusuna həsr olunan əsərlərin, vətənpərvərlik ideyalarının təbliği” layihəsi çərçivəsində “C.Cabbarlı adına mədəniyyət,elm və təhsilin inkişafına yardım” İctimai Birliyi tərəfindən hazırlanıb.

Onun sözlərinə görə, kitabın müəllifi filologiya elmləri doktoru, professor Asif Rüstəmlidir.

Kitabda görkəmli dramaturq, peşəkar yazıçı, istedadlı şair, istiqlal mücadiləsinin fəal üzvlərindən biri Cəfər Cabbarlının Azərbaycan Xalq Cümhuriyyəti dövrü, ondan əvvəlki və sonrakı fəaliyyət sferası, sovet rejiminə qarşı qeyri-leqal mübarizədə Milli İstiqlal Hərəkatına (1920-1923) qoşulması, gizli “İstiqlal” (1922-1923) qəzetinin nəşri prosesində iştirakı, məhbəs həyatı zəngin arxiv materialları əsasında geniş tədqiq və təqdim olunub.
Cabbarlışünas alim yeni kitabını təqdim edib
Kitab təhsil işçiləri, ali məktəb tələbə və magistrlər, elmi işçilər, ədəbiyyatşünaslar, tədqiqatçılar, tarixçilər, mədəniyyət və incəsənət xadimləri o cümlədən, intellektual oxucular üçün nəzərdə tutulub.

Tədbirdə filologiya elmləri doktoru, professor Rəhim Əliyev, Yaşar Qasımbəyli, Qəzənfər Paşayev, Gülər Abdullabəyova, Asif Rüstəmli, filologiya üzrə fəlsəfə doktoru Almaz Ülvi və Almaniyadan gəlmiş tədqiqatçı Orxan Araz çıxış ediblər.Бесплатные шаблоны для 10.5Forex Портал для чайников


XƏBƏR LENTİ