manera.az
manera.az

İlk dəfə xanım jurnalistlər arasında müsabiqə keçirilir

İlk dəfə xanım jurnalistlər arasında müsabiqə keçirilir
Azərbaycan Respublikasının Prezidenti yanında Bilik Fondu və "Kaspi" qəzeti 8 mart Beynəlxalq Qadınlar Bayramı münasibəti ilə xanım jurnalistlər arasında fərdi jurnalist yazıları müsabiqəsi elan edir.

"Azərbaycanın maarifçi qadınları" mövzusunda keçirilən müsabiqəyə yazıların qəbulu 08 dekabr 2017-ci il tarixində başlayır, 8 fevral 2018-ci il tarixində başa çatır.

Elan olunan günədək ən azı bir il müddətində kütləvi informasiya vasitələrində - qəzet, jurnal və informasiya agentliklərində fasiləsiz çalışan xanım jurnalistlər müsabiqəyə yazı verə bilərlər.

Müsabiqənin şərtlərinə görə, hər xanım jurnalistin Azərbaycan Mətbuat Şurasının tərtib etdiyi “qara siyahı”ya düşməyən mətbuat orqanlarında (9-11 min işarə) həcmində dərc olunan yalnız bir yazısı qəbul olunacaq. Yazının sonunda “Azərbaycan Respublikasının Prezidenti yanında Bilik Fondu və “Kaspi” qəzetinin keçirdiyi müsabiqəyə təqdim etmək üçün” qeydi göstərilməlidir.

İnformasiya agentliklərində çalışan jurnalistlər istisna olmaqla, digər jurnalistlər öz yazılarını yalnız işlədikləri mətbuat orqanlarında dərc etdirməlidirlər.

Mövzunun əhatə olunması, jurnalist araşdırması, əsaslandırma, informasiyalılıq səviyyəsi, yazının dil və üslub xüsusiyyətləri, bədii-estetik ifadəsi, jurnalist obyektivliyi, qərəzsizliyi, tərəfsizliyi və məsuliyyəti, ictimai maraqların müdafiəsi yazıların dəyərləndirilməsində meyar kimi götürülür. Yazılar 10 ballıq sistem üzrə qiymətləndirilir.

Müsabiqənin qaliblərinə – I,II,III yerin sahiblərinə qiymətli hədiyyələr və pul mükafatı nəzərdə tutulub.

Azərbaycan Respublikasının Prezidenti yanında
Bilik Fondunun Mətbuat xidməti

Azərbaycan Respublikasının Prezidenti yanında Bilik Fondu və "Kaspi" qəzeti 8 mart - Beynəlxalq Qadınlar günü münasibəti ilə xanım jurnalistlər arasında "Azərbaycanın maarifçi qadınları" mövzusunda fərdi jurnalist yazıları müsabiqəsini elan edir.

Müsabiqə elan olunan günədək ən azı 1 (bir) il müddətində kütləvi informasiya vasitələrində (qəzet, jurnal və informasiya agentliklərində) fasiləsiz çalışan xanım jurnalistlər iştirak edə bilərlər.

Yazılar və sənədlər 8 dekabr 2017-ci il tarixindən 8 fevral 2018-ci il tarixinədəkqəbul edilir.


Müsabiqəyə təqdim olunan yazılara aid tələblər:

1. Müsabiqəyə hər xanım jurnalist yalnız bir məqalə təqdim edə bilər.
2. Məqalə elan edilmiş mövzuya uyğun olmalıdır.
3. Yazı son bir ildə, həftədə bir dəfədən az olmayaraq nəşr edilən və Azərbaycan Mətbuat Şurasının tərtib etdiyi “qara siyahı”ya düşməyən mətbuat orqanlarında dərc edilməlidir.
4. Qəzetdə dərc olunmuş yazıda “Azərbaycan Respublikasının Prezidenti yanında Bilik Fondu və “Kaspi” qəzetinin keçirdiyi müsabiqəyə təqdim etmək üçün” qeydi göstərilməlidir.
5. Azərbaycan jurnalistlərinin I qurultayında qəbul olunmuş Azərbaycan jurnalistlərinin peşə (etik) davranış qaydalarını pozması ilə əlaqədar haqqında Azərbaycan Mətbuat Şurası tərəfindən müvafiq qərar çıxarılmış, adı Azərbaycan Mətbuat Şurasının tərtib etdiyi “qara siyahı”ya düşmüş və ya “qara siyahı”dan çıxarılmış (1 il müddətində), Azərbaycan Mətbuat Şurası tərəfindən xəbərdarlıq almış (son 6 ay müddətində) mətbu orqanında dərc edilmiş yazılar müsabiqəyə qəbul edilmir.
6. İnformasiya agentliklərində çalışan jurnalistlər istisna olmaqla, digər jurnalistlər öz yazılarını yalnız işlədikləri mətbuat orqanlarında dərc etdirməlidirlər.
7. Yazılar tələb olunan sənədlər tam şəkildə təqdim olunmadığı və ya həqiqəti əks etdirmədiyi halda müsabiqəyə buraxılmır.

Yazıların qəbul qaydaları:

Yazının dərc olunduğu mətbuat orqanı (qəzet, jurnal) – 1 nüsxə
Yazının A4 formatda çap olunmuş variantı (müəllifin imzası göstərilməməlidir) – 3 nüsxə
Yazının elektron variantı (Arial (12) şriftində - CD) – 1 nüsxə
Yazıların həcmi: 1 səhifə (A3) olmalıdır (9-11 min işarə).

Müsabiqədə iştirak etmək üçün tələb olunan sənədlər:

İştirakçı haqqında məlumat cədvəli
Şəxsiyyət vəsiqəsinin surəti
Şəxsi VÖEN və surəti və şəxsi bank rekvizitləri (qaliblər üçün)

Qeyd: Fonda təqdim edilmiş yazılar və sənədlər geri qaytarılmır

Qiymətləndirmə meyarları:

- mövzunun əhatə olunması, jurnalist araşdırması, əsaslandırma;

- materialın oxucu üçün informasiyalılıq səviyyəsi;
- yazının dil və üslub xüsusiyyətləri, bədii-estetik ifadəsi;
- jurnalist obyektivliyi, qərəzsizliyi, tərəfsizliyi və məsuliyyəti;
- ictimai maraqların müdafiəsi.

Qeyd: Yazılar 10 ballıq sistem üzrə qiymətləndirilir (hər bir meyar üzrə 2 bala qədər).

Müsabiqəyə təqdim olunmuş yazı müəlliflərinin mükafatlandırılması

Müsabiqənin qaliblərinə – I, II, III yerin sahiblərinə qiymətli hədiyyələr və pul mükafatı nəzərdə tutulub.

İştirakçı haqqında məlumat cədvəli
(müəllif tərəfindən doldurulur)

Müəllifin soyadı, adı və atasının adı
Mətbuatda təxəllüsü (əgər varsa)
İşlədiyi KİV
Vəzifəsi
Məqalənin adı
Dərc olunduğu mətbuat orqanı
Müəlliflə əlaqə

ünvanı və poçt indeksi
iş telefonu
ev telefonu
mobil telefonu
elektron poçt ünvanı
Müəllifin imzası

Sənədlərin təqdim olunma tarixi
Ünvan: Bakı şəhəri, Ağasadıq Gəraybəyli, 7a
Əlaqə telefonları: (012) 561 60 41; (012) 561 71 41;
Elektron ünvan: bilikfondu.kaspi@gmail.com
Sayt: www.bilikfondu.gov.az
Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2024    »
 123
45678910
11121314151617
18192021222324
25262728293031