“Vətənin tərənnümü” adlı yekun sərgi açılacaq

Tarix:12-10-2017, 13:15 Baxış Sayı:50

“Vətənin tərənnümü” adlı yekun sərgi açılacaq
Oktyabrın 13-də Xətai Sənət Mərkəzində Mədəniyyət və Turizm Nazirliyinin, Azərbaycan Dövlət Rəsm Qalereyasının və Xətai Sənət Mərkəzinin təşkilatçılığı ilə “Vətənin tərənnümü” adlı etüd rəsm müsabiqəsinin yekun sərgisi açılacaq.

Mərkəzdən MANERA.AZ-a bildirilib ki, məqsəd cəmiyyətdə doğma yurda sevgi və vətənpərvərlik ruhunun yüksəldilməsinə xidmət etməkdir.

150-dən çox rəssam öz canlı müşahidələri əsasında ərsəyə gətirdiyi 350-yə yaxın təbiət mənzərələri etüdlərini müsabiqəyə təqdim etmişlər. Yekun sərgidə isə 46 rəssamın, münsiflər heyəti tərəfindən seçilmiş 80-ə qədər etüdü nümayiş olunacaq. Eyni zamanda, sərgidə korifey sənətkarlarımızın etüdlərindən bəzi nümunələr də sərginin ekspozisiyasında yer alacaq.

Sərginin açılışından bir gün sonra “Rəssamlıqda etüdün rolu” mövzusunda rəssamların və sənətşünasların iştirakı ilə “dəyirmi masa” keçiriləcək. Bundan başqa, müsabiqədə münsiflər heyətindən daha çox xal toplamış etüdçülərin bir qismi Azərbaycanın rayonlarından birinə səfər edərək etüd çəkmə şansı qazanacaq. Müsabiqədə I, II, III yerlər və həvəsləndirici mükafatlar olacaq. Bütün müsabiqə iştirakçılarına diplomlar təqdim olunacaq.

Sərgi oktyabrın 16-dək davam edəcək.Бесплатные шаблоны для 10.5Forex Портал для чайников


XƏBƏR LENTİ